Fredi Beleri nuk do të betohet këtë të martë si kryebashkiak i Himarës, edhe pse është shpallur fitues nga KQZ-ja. Kjo pasi pasi kërkesa e tij për të dalë nga paraburgimi dhe për të shkuar në bashki është rrëzuar nga GJKKO. Fredi Beleri kërkoi leje nga Drejtoria e Burgjeve, SPAK e GJJKO për të dalë nga paraburgimi për ceremoninë e marrjes së detyrës në Këshillin Bashkiak të qytetit të martën e 27 qershorit në ora 11:00.
Që mbledhja e këshillit bashkiak të quhet e vlefshme duhet të marrin pjesë më shumë se gjysma e anëtarëve të zgjedhur. Që do të thotë se të martën në sallë duhet të jenë patjetër 11 nga 21 këshilltarët bashkiakë. Partia Socialiste zotëron shumicën me 9 anëtarë bashkë me aleatët e saj Social-Demokratët e Tom Doshit dhe MEGA.
Kreu i PBDNJ-së, Vangjel Dule akuzon kryeministrin Edi Rama se dha urdhrin e marrjes peng të Belerit. Edhe Greqia zyrtare ka reaguar disa herë për këtë çështje, dhe nesër do të mësohet se çfarë do të bëhet me postin e kryetarit të bashkisë së Himarës.