Ish-kryebashkiaku i Mirditës, Ndrec Dedaj, pas ceremonisë së dorëzimit të postit tek pasardhësi i tij, Albert Melyshi, kandidat fitues në zgjedhjet lokale të 14 majit, ka bërë një reagim në llogarinë e tij në “Facebook”.
Ai shkruan se dy mandate më parë e mori bashkinë në një gjendje të mjerueshme dhe pa asnjë bazë materiale, ndërsa sot po e dorëzon në duart e kryebashkiakut të ri pa asnjë borxh dhe me projekte në zhvillim e sipër.
Postimi i plotë:
Sot i dorëzova detyrën kryetarit të ri të Bashkisë Mirditë Albert Melyshit, përmes një akti simbolik të përshkruar si më poshtë:
Tetë vite më parë qytetarët më besuan të drejtojë Bashkinë Mirditë.
Bëra sa munda me gjith fuqinë e mendjes dhe të zemrës për t’jua kthyer besimin në të mira materiale, social-kulturore e shpirtërore
E gjeta Bashkinë me 100 milion lek të reja borxhe, pa mjete dhe vegla pune, pa bazë materiale për mirmbajtje qoftë dhe një pllakë trotuari apo llambë ndriçimi për ti zëvendësuar, dhe sot po jua dorëzoj institucionin e Bashkisë me zero borxhe me mjete dhe vegla pune të konsiderushme për të kryer shërbimin e mirmbajtjes, pastrimit, gjelbrimit, ndriçimit etj.
Jua dorëzoj sot detyrën dhe me disa projekte në zhvillim e sipër të mbuluara 100% me buxhetin përkatës, si
1) Asfaltimi i rrugës hyrëse Reps
2)Asfaltim i rrugës së Ndërfanës
3)Asfaltim rrugësh lagjie Rrëshen
4)Mbrojtje lumore Jezull
5)Ndërtim këndi lojrash për fëmijë Rrëshen(projekt i fituar nga BE)
6)Ndërtim i stacionit të ri zjarrfikës( projekt i fituar nga ODC Amerikane)
gjithashtu ju dorëzohet dhe magazina plot me bazë materiale për të vazhduar me punën e nisur për ndërtimin e trotuareve, kullimin e ujrave dhe vendosjen e ndriçimit publik kudo që janë të nevojshme dhe duke i ju mundësuar që ditën e parë të marrjes së detyrës kryetarit të ri një fillim të mbarë të punës.
Suksese në detyrën e lartë të Kryetarit të Bashkisë Mirdtë
Bëfshi më të mirën për Mirditën.