Arrestohet 37-vjeçarja shqiptare në Selanik. Të qarat e fëmijës “ngritën lagjen në këmbë”

Në prangat e Policisë greke ka vënë një 37-vjeçare shqiptare në Selanik, pasi akuzohet se ka vënë në rrezik fëmijën e saj një vjeç, duke e lënë vetëm në shtëpi. Ngjarja ka ndodhur në orën 11:00 të mëngjesit të së martës, në një banesë në qendër të qytetit. Policia dyshohet se u lajmërua nga fqinjët të cilët dëgjuan fëmijën duke qarë dhe u shqetësuan. Oficerët e policisë janë nxituar drejt shtëpisë dhe pas kontrolleve kanë vënë në pranga nënën 37-vjeçare me origjinë nga Shqipëria, e cila do të dërgohet pranë organeve gjyqësore kompetente me akuzën se ka venë në rrezik jetën e të miturit.