Mjekja epidemiologe Alketa Marishta, flet për një mutacion gjenetik të quajtur “MTHFR” të cilin sipas saj e kanë shumica e shqiptarëve. Ky mutacion shpjegon dhe numrin e lartë të vdekjeve në vend nga sëmundjet e zemrës apo kanceri. Marishta pohon edhe se përgjithësisht shqiptarët kanë mungesë kolesteroli, acidin folik të ulët dhe një toksinë të quajtur “homocysteine” e cila shkakton bllokim të enëve të gjakut dhe zemrës.
-Çfarë kemi ne në ADN që se kanë popujt e tjerë, që bëhemi kaq lëmsh?
Alketa Marishta: Është një gjen që quhet MTHFR, s’ka nevojë ta mbani mend…
-MTHFR-në kemi gabim ne?
Alketa Marishta: Ky është një mutacion që e marim nga prindërit dhe një person mund të ketë variantin homozigotë, ose mund të ketë një. Çfarë bën kjo enzimë? Kjo katalizon shumë procese kimike në trup, dhe fillon metabolizmin e folateve. Çdo gjë që është jeshile, që e marrim dhe e hamë, kjo enzimë e kthen në një formë tjetër dhe pastaj kalon në procese të tjera dhe ul një proteinë që është toksinë në trup që quhet Homocysteine. Disa nuk e bëjnë analizën e gjakut që e tregon këtë. Ulja e homocysteine-s është më e rëndësishme se kolesteroli. Unë i kam parë shqiptarët që e kanë këtë gen, kanë vitaminën B12 të ulët, kanë acidin folik të ulët. Homocysteina i bllokon enët e gjakut, jep ishemi në tru dhe bllokim të zemrës, prandaj ne kemi rritje të vdekjeve nga zemra ose kanceri.
-Prit se më hutove tani, ka një mënyrë që mund të na bëhet më e mirë ADN-ja?
Alketa Marishta: Vitaminat më të mira që ulin homocysteine, s’ka ilaçe për ta ulur.