Dita e shtunë pritet të jetë me mot të qëndrueshëm dhe me diell, ndërsa e diela pritet të jetë jo shumë në favor të atyre që duan t’i drejtohen bregdetit. Por si pritet të jetë moti gjatë ditëve të para të Korrikut?
Muaji korrik do të jetë shumë i favorshëm për pushime. Duke filluar që nga java tjetër do të kemi të paktën deri në datën 10 mot të qëndrueshëm, diell, ditë të nxehta. Nuk mund të them ditë shumë të nxehta apo vlera ekstreme, por mbetemi në termometrin 34-35 gradë Celsius pothuajse gjatë gjithë 10-ditëshit të parë të muajit korrik.
Sipas sinoptikanëve, muaji korrik në tërësi do jetë me temperatura të larta, por në ditë të caktuara nuk do të mungojnë edhe reshjet e dobëta të shiut.