Kristina Baikova, e cila ishte zëvendës-presidente e bankës Loko Bank i ka dhënë fund jetës, duke u hedhur nga dritarja e apartamentit të saj në Moskë.
Një video shqetësuese që tregon minutat e fundit të jetës së bankieres është shfaqur në rrjetet sociale.
Kristina organizoi një festë për shoqërinë në banesën e saj, natën fatale. Mes të ftuarve ishte edhe i dashuri i saj Andrej, 34 vjeç, me të cilin dyshohet se kishte nisur lidhjen vetëm pak javë më parë.
Më vonë, të ftuarit vendosën të shkojnë në klubin e natës, duke lënë vetëm Kristinën dhe Andrejn.
Mirëpo, sipas mediave lokale, vajza papritmas filloi të qajë në mënyrë histerike, pas së cilës dyshohet se u hodh në këmbët e Andrejt duke mërmëritur diçka të pakuptueshme. Më pas, ajo shkoi në tarracë duke u mbajtur në skajin e murit, e ku më pas ndërmori aktin ekstrem.