Një shqiptar i dyshuar se kishte prostituuar me forcë të dashurën e tij 15-vjeçare në Gerland dhe në Lion, u arrestua nga policia franceze. Rasti kishte muaj që ishte nën hetim.
Më 28 qershor 2023, një burrë me origjinë shqiptare, i identifikuar si tutori i një adoleshenteje, u la në paraburgim në pritje të gjykimit në fund të verës.
Ai e kishte detyruar të miturën 15-vjeçare, të dashurën e tij me të cilën kishte një “marrëdhënie toksike”, të prostituohej në një hotel në lagjen 2 të Lionit dhe në rrugët e Gerland për të rimarrë paratë.
Shqiptari ishte dënuar më parë për dhunë ndaj adoleshentes në shkurt të 2023.
Pas hetimeve, dyshimet e policisë u vërtetuan se vajza e re tërësisht nën urdhrat e tutorit të saj detyrohej të shiste trupin e saj.
Në të njëjtën kohë, policia identifikoi edhe një klient i cili i paguante mjaftueshëm para në mënyrë që vajza e re të mos kërkonte burra të tjerë në rrugë.
Në total, në harkun e një muaji e gjysmë, i njëjti klient i kishte paguar 10 mijë euro të dashurit tutor. Ky i fundit u arrestua dhe u burgos më 21 qershor 2023, pak ditë para se shqiptari të arrestohej.