Gjokë dhe Eduard Gurraj, babë e bir u ekzekutuan në pritë pak ditë më parë në fshatin Sumë në Dukagjin. Kjo ngjarje e rëndë që tronditi mbarë opinionin publik është ende pa autor. Policia e Shkodrës i ka përqendruar hetimet në një konflik që dyshohet se Gjokë Gurra ka pasur një vit më parë me një bashkëfshatarin e tij. 57-vjeçari dhe i njohuri i tij, i cili është në hetim nga policia, është konfliktuar me grushte vitin e kaluar dhe shkak i sherrit asokohe është bërë tregtimi i lëndëve drusore.
Gjokë Gurra ka qenë polic në Shkodër deri në 2008 dhe më pas ka punuar me transport lëndësh drusore. Veç pistës që babë e bir kishin aktivitet të tregtimit të lëndës drusore, policia ka ngritur edhe atë të konflikteve për mbjelljen e lëndëve narkotike.
Babë e bir u qëlluan me breshëri kallashnikovi, pasditen e datës 29 qershor, në fshatin Sumë, ndërsa ishin brenda në makinë duke udhëtuar drejt banesës së tyre të djegur në Dukagjin, e cila ishte djegur qëllimisht. Ata janë qëlluar për vdekje në një kthesë në një zonë të pyllëzuar, afro 500 metër pa mbërritur tek banesa e djegur.