Kryeministrat e Holandës dhe Luksemburgut, po zhvillojnë një konferencë me homologun e tyre në Kosovë, Albin Kurtin. Ata bëjnë thirrje për deskalim të situatës dhe përmbajtjes së marrëveshjes bazë dhe dialogut.
“Kemi pasur bisedime të gjata në Beograd dhe Prishtinë dhe jemi të gatshëm të ndihmojmë nëse mundemi në të ardhmen e afërt dhe në aspektin kryesor do të udhëhiqet nga BE. Isha i lumtur në shkurt kur me pjesëmarrjen e Gjermanisë dhe Francës arritëm një marrëveshje bazë. Që prej atëherë tensionet janë ngritur sërish dhe tani duhet të fokusohemi në deskalim. Pra duhet të kthehemi në proces, hap pas hapi. Deskalimet duhet të jenë nga të dyja palët, mendjet e ftohta do të mbizotërojnë. Të gjithë duan deskalim. Nëse mund të ndihmojmë ne jemi këtu por duhet t’i mbahemi procesit të udhëhequr nga BE dhe SHBA”,-tha Mark Rutte.
Kryeministri luksemburgez Xavier Bettel, thotë se nuk mund të ketë fitues nëse ka konflikt në Ballkan. “Sikurse tha Mark, ëshyë udhërrëfys dhe ndonjëherë duket se kush është më ehershme veza apo pula. NE e kemi këtë udhërrëfyes dhe duhet t’i përmbahemi. Në vend të fjalës duhen vepra. Duhet të fillohet diku, nëse jo sot besoj se Lajçak do vij nesër dhe duhet të punoni me këtë udhërrëfyes. Stabiliteti është në interes të të gjithëve. Në fund nuk do të ketë fitues nëse ka konflikte”,-tha ai. Kurse Albin Kurti thotë se marrëveshja bazë është shumë e favorshme për të dyja palët, por problemi nisi që kur Serbia nuk nënshkroi në Ohër.