Kryeministri i Kosovës Albin Kurti ka uruar Shtetet e Bashkuara të Amerikës për 4 Korrikun. Në urimin e tij, Kurti thekson se themeli i aleancës mes dy vendeve është vizioni për lirinë dhe barazinë.
Dhe, siç shprehet kreu i qeverisë, ashtu siç ky vizion që e përmban deklarata e Pavarësisë së SHBA-ve është i përjetshëm, ashtu është edhe aleanca mes dy vendeve.
“Deklarata e Pavarësisë së SHBA-së përmban një nga vizionet më të fuqishme të lirisë dhe barazisë të njohura në botë. Ai vizion, dhe vlerat e përbashkëta që ai shpreh, përbëjnë themelin e aleancës së kombeve tona. Ashtu si ai vizion është i përjetshëm, po ashtu është edhe aleanca. Gëzuar 4 Korrikun”,-shkruan Kurti.