Kryeministri Edi Rama ka mbërritur në Maqedoninë e Veriut, në kuadër të turit Ballkanik që po zhvillon për samitin e Procesit të Berlinit, i cili do të mbahet për herë të parë në Tiranë.
Kreu i qeverisë shqiptare u prit fillimisht në aeroport nga zv. kryeministri i Maqedonisë së Veriut, Artan Grubi. Më pas kreu i qeverisë u takua ‘tete a tete’ me kryeministrin Dimitar Kovacevskin.
Kryeministri i Maqedonisë së Veriut, Dimitar Kovacevski në një konferencë me Ramën, i bëri thirrje palëve në Kosovë dhe në Serbi që të ndërmarrin hapa për deeskalimin e tensioneve. Kovaçevski u shpreh edhe se ato duhet të sillen si burra shteti e të flasin hapur, ndërsa shtoi se duhet të zbatojnë marrëveshjen që nënshkruan në Ohër.