Alkond Bengasi tashmë është bashkëpunëtor i drejtësisë, teksa ka rrëfyer dhe detaje nga grupi i grabitësve.
Në dëshminë e zbardhur nga mediat, Bengasi ka thënë se fillimisht është takuar me kushërinjtë e tij, Klement dhe Eldi Çala. Ai thotë se ata i kanë kërkuar të shkojnë bashkë në Kavajë të merrnin një furgon, por Bengasi nuk ka pranuar pasi kishte fëmijën të sëmurë dhe nuk dëshironte të largohej nga Elbasani.
Por më pas ai kishte pranuar dhe të tre kanë shkuar në Kavajë, ku i kanë pritur për drekë tre persona. “Një u prezatua si Admir Murataj, ndërsa dy të tjerë nga Kosova. Njërin prej tyre e thërrisnim Daja ndërsa tjetrin Tani. Më vonë mësova se mjetet do të përdoreshin për grabitje. Pasi hëngrëm drekë morrëm furgonat që pastaj u përdorën për grabitje”, mësohet të ketë thënë mes të tjerash Alkond Bengasi.
Një ditë më parë ai mori masën e sigurisë “arrest me burg”, ndërkohë që pritet të jepet masa dhe për të arrestuarit e tjerë.
Në mbrëmje policia bëri të ditur se u vu në pranga dhe Elton Pikli, i cili ishte në tentativë për të hyrë në Bullgari.
Lexo edhe- Publikohet foto, kush është Elton Pikli, i dyshuari i pestë për grabitjen e aeroportit