Presidenti Bajram Begaj priti në një takim me rastin e përfundimit të misionit të tij në Shqipëri, ambasadorin gjerman Peter Zingraf. Begaj dhe ambasadori shfrytëzuan rastin për të shkëmbyer mendime mbi marrëdhëniet e shkëlqyera dypalëshe mes Gjermanisë dhe Shqipërisë.
Të dy diskutuan për sfidat aktuale për Shqipërinë dhe Gjermaninë, situatën në rajon si dhe hapat e mëtejshëm të Shqipërisë në rrugën drejt anëtarësimit në BE. Ambasadori Zingraf falënderoi për mikpritjen e madhe që mundi të përjetonte gjatë katër viteve të qëndrimit të tij në Shqipëri.
Ai nënvizoi mbështetjen e Gjermanisë ndaj angazhimit të Shqipërisë për afrimin me BE-në si dhe rolin e rëndësishëm rajonal të Shqipërisë si mikpritëse e Procesit të Berlinit këtë vit.