Detaje të reja si kryeministri i Kosovës, Albin Kurti u godit nga deputetët e PDK-së në parlamentin e Kosovës teksa po fliste për sitiatën në veri të vendit.
Dy deputetët, Mërgim Lushtaku djali i ish-komandantit, Sami Lushtaku dhe Hajdar Beqa kanë hedhur fillimisht ujë ndaj Kurtit dhe Bislimit dhe më pas përplasja ka agravuar në dhunë fizike.
Kurti ishte duke folur për situatën në veri të Kosovës, kur fjalimi i tij u ndërpre nga deputetët e opozitës që brohorisnin “gënjeshtar”.
Fillimisht, në drejtim të zëvendëskryeministrit Besnik Bislimi u hodh ujë nga deputeti Mërgim Lushtaku, pastaj u sulmua fizikisht edhe ministri i Financave, Hekuran Murati.