Një nga grabitësit e bandës shqiptare, që më 10 janar 2020 sulmoi vilën e një sipërmarrësi nga Civitella, përfundoi në burg. Sipas medieve italiane, banda e shqiptarëve sulmoi vilën e sipërmarrësit. Pasi e rrahën dhe i lidhën gojën, ata morën mijëra euro, bixhuteri dhe një Rolex.
Ata u larguan duke lënë sipërmarrësin të lidhur dhe të gjakosur. Pavarësisht gjendjes, ai arriti të merrte një kaçavidë të cilën e kishin përdorur kriminelët për ta kërcënuar. Me të njëjtën kaçavidë ai u zgjidh dhe arriti të telefononte policinë.