45-vjeçari shqiptar që ekzekutoi një ditë më parë 50-vjeçarin Shpëtim Bajrami në një pikë karburanti në Selanik ka deklaruar para hetuesve se nuk kishte qëllim ta vriste.
“Nuk kisha asnjë motiv për të kryer vrasje. Kohët e fundit kam marrë kërcënime serioze për jetën nga viktima. Në dy raste unë jam dhunuar nga viktima. Dje jashtë karburantit jam sulmuar sërish nga ai”, deklaroi 45-vjeçari shqiptar para policisë greke.
Autori, i cili u vetëdorëzua sot në prani të avokatit të tij, Thanasis Alexopoulos, ka treguar në polici se ku e ka lënë makinën që drejtonte pasditen e djeshme dhe armën që ka përdorur për të vrarë viktimën.