Kryetari i Komitetit të Përbashkët Parlamentar të Stabilizim-Asociimit BE-Shqipëri, eurodeputeti i Demokracisë së Re, Manolis Kefalogiannis, ndodhet për një vizitë zyrtare në Shqipëri.
Të mërkurën, ai do kryesojë një mbledhje të Komitetit të përbashkët BE-Shqipëri, ku do diskutohet për rrugën e anëtarësimit të vendit në BE. Më pas do të shkojë në Himarë dhe do të interesohet për kryetarin e zgjedhur të saj, Fredi Beleri, i cili po mbahet në paraburgim në një burg të Tiranës, për t’u informuar “për çështjen e pronave dhe shpronësimet e pronave të banorëve të bashkisë”.
Çështja e Fredi Belerit shkroi në zemrën e BE-së. Amendamenti grek për lirimin e kryebashkiakut të zgjedhur të Himarës, Fredi Beleri, u miratua nga Parlamenti Evropian me 290 vota pro.
Fredi Beleri ka folur më herët për median greke, ku e ka cilësuar si komplot arrestimin e tij. Beleri thotë edhe se e goditën kur mësuan sesa Himariotë po përgatiteshin për të ardhur nga Athina për të votuar dhe e kuptuan që po humbnin në Himarë.