Piku i vapës ka kapluar kryeqytetin këtë të martë. Ndërkohë që temperaturat kanë arritur në maksimumin e termometrit, qytetarët janë munduar që të kryejnë punët e tyre pavarësisht rrezeve të forta të diellit.
Ata janë parë në rrugët e Tiranës, duke përballuar vapën me mënyra të ndryshme. Dikush me ujë, disa të tjerë kanë zgjedhur aksesorët e nevojshëm si kapele, çadër apo syze.
Kujtojmë që Ministria e Shëndetësisë dhe Mbrojtjes Sociale ka vënë në zbatim Planin e masave kundër valës së të nxehtit.
Plani i masave për përballimin e valës së të nxehtit përmban: Vendosjen në gatishmëri të nëntë autoambulancave në zonat me fluks të lartë në qendrat e qyteteve për ardhjen në ndihmë të rasteve urgjente. Gjithashtu në shërbimin parësor, janë në funksion urgjencat pediatrike 24/7 në katër qendra në Tiranë. Ndërsa janë hapur 30 qendra shëndetësore verore në zonat bregdetare dhe malore.