Britania e Madhe ka vendosur të lehtësojë marrjen e vizave të punës për punonjësit e ndërtimit, në specialitete si murator, ndërtues çatish, shtrues pllakash, suvatues dhe marangoz. Listës i janë shtuar edhe punët e peshkimit.
Ky vendim ka ardhur pas nevojës urgjente të Britanisë për këto kategori pas Brexi-t dhe pandemisë, ku një e treta e punëtoreve të ndërtimit nga vendet e Evropës Lindore, kryesisht janë larguar nga Britania që nga viti 2017.
Për këto role, rekrutet e rinj mund të paguhen me 80% të çmimit për këto kategori punësh dhe sërish mund të kualifikohen për marrjen e vizës britanike të punës. Ata do përfitojnë edhe nga tarifa me ulëta për pagimin e vizave. Këtyre punëtoreve u duhet të gjejnë një punëdhënës dhe të plotësojnë edhe kriterin e gjuhës angleze siç parashihet nga sistemi post Brexit.
Ky lajm përbën një mundësi të artë për shumë ndërtues shqiptarë, jo vetëm në Shqipëri, por edhe në vende të tjera të BE-së ku punojnë, pasi norma e fitimit në Britani për të njëjtën punë është dy-tre fish më e lartë në ditë sesa në Greqi apo Itali.
Ka shumë shqiptarë në Britani, që kanë kompanitë e tyre të ndërtimit që mund të aplikojnë për ndërtues shqiptar kudo që jetojnë.
Ky lajm përbën edhe një mundësi po aq të mirë që shteti shqiptar të kërkojë dhe negociojë me autoritetet britanike për punësim legal të shqiptarëve përkundrejt ardhjeve në mënyra të paligjshme të shqiptareve me gomone përmes La Manshit.
Britania ka nevoje për afro 2 milionë vende vakante pune në ndërtim apo industrinë e turizmit dhe në vjeshtë lista e profesioneve ku ka mungesa për krah pune, pritet të rishikohet dhe zgjerohet më shumë.