Alarmi i kuq për nxehtësinë ekstreme është në fuqi në shumicën e qyteteve kryesore të Italisë, ndërsa valët e të nxehtit intensifikohen në Evropë. Temperaturat pritet të arrijnë kulmin sot, me 23 qytete në gatishmëri të lartë, nga Trieste në veri-lindje deri në Messina në jug-perëndim.
Zjarret po shpërthejnë gjithashtu në të gjithë kontinentin, duke përfshirë Greqinë dhe Alpet Zvicerane. Miliona njerëz në hemisferën veriore po preken nga temperaturat përvëluese. Nxehtësia parashikohet të zgjasë deri të mërkurën në pjesën më të madhe të Evropës jugore, pas disa ditësh temperaturash mbi 40 gradë.
Pjesë të ishujve italianë të Sardenjës dhe Sicilisë do të jenë sërish më të nxehtit, me temperaturat maksimale rreth 46 ose 47 gradë Celsius. Vala e të nxehtit e cila ka përfshirë të gjithë Italinë është përshkruar nga mediat italiane si “java e ferrit”.