Një 16-vjeçar, dëshmitar i ngjarjes ku u vra 42-vjeçari Nikolin Marku Lekstakaj, ka treguar për gazetaren e News24, Klodiana Lala se shënjestra u vra në momentin që doli nga dyqani. Ai ka rrëfyer tmerrin e përjetuar të momentit pas të shtënave me armë, ndërsa theksoi se i frikësuar është ulur në tokë dhe është futur në pjesën e pasme të lokalit.
“Nikoli bleu një pije freskuese. Në momentin që doli dhe po ngjiste shkallët u qëllua. Autorët po lëviznin me makinë ngjyrë të zezë. U tmerrova dhe u ula menjëherë në dola dhe kalova në pjesën e pasme të lokalit”, ka treguar 16-vjeçari.
Lekstakaj kishte hyrë në dyqan për të blerë një pije freskuese dhe në momentin që ka dalë jashtë, dy persona kanë qëlluar nga një makinë, duke i marrë jetën.