Mund t’i numërojmë me gishtat e dorës rastet kur Noizy ka folur për të voglën e tij, Leandrën. Reperi ka preferuar ta mbajë larg syrit të mediave, teksa ajo jeton me të ëmën jashtë Shqipërisë.
Pak a shumë, të gjithë e dimë historinë nga kënga e famshme “Noku vogël”. Për të bijën dhe mamanë e saj, Noizy shprehej:
“Beautiful ladies, si ju nuk ka gjithë bota. Sido që t’kenë shku punët, unë për ju do bëhem copa…”
Leandra ka qënduar larg vëmendjes mediatike, megjithatë në Tik Tok ishte hapur së fundmi një llogari, ku përdoruesi pretendonte se ishte pikërisht vajza e Noizy-t. Në të postoheshin foto apo video të një vogëlusheje që i ngjante paksa Leandrës, mirëpo Noizy s’priti gjatë për t’i ndërprerë aktivitetin.
