Kreu i PD Lulzim Basha shprehu edhe një herë qëndrimin se nuk do të lejojë zhvillimin e zgjedhjeve dhe se nëse ato mbahen pa PD-në, LSI-në dhe aleatët, do të jenë farsë. Nga Miloti ku qëndroi krah simpatizantëve dhe mbështetësve, Basha tha se opozita nuk mund të klonohet me përfaqësinë e re në Kuvend, dhe se zgjedhjet sipas tij duhet të bëhen patjetër me PD-në dhe aleatët që sipas tij janë opozita e vërtetë.
“Asnjë qendër të vetme votimi nuk do të lejojmë, do të luftojmë sy për sy e dhëmbë për dhëmbë për demokraci”, tha Basha. “Vetëm kështu mund të kthehet normaliteti”, tha ai, edhe pse në fakt skenari që opozita joparlamentare ofron është në fakt i bllokimit dhe i mohimit të së drejtës sëq qytetarëve për të votuar duke penguar zgjedhjet e duke vendosur bllokadë në kutitë e votimit.
“Kjo e sotmja është vetëm fillimi i mosbindjes civile”, tha Rama.