Kryetari i Partisë së Lirisë, Ilir Meta thotë se forca politike që ai drejton është gjithmonë e gatshme për të marrë pjesë në zgjedhje, kurdoherë që të zhvillohen.
Duke folur në ABC News, Meta u shpreh se PL do të bëjë vetëm për të fuqizuar opozitarizmin, por mbi të gjitha, për të bërë të mundur ndryshimin.
Sipas tij, kjo ndodh vetëm nëse ka ndërgjegjësim të forcave opozitare dhe shoqërisë.
Nëse ndodh, është një hipotezë që po artikulohet në media së fundmi që vendi mund të shkojë në zgjedhje të parakoshme parlamentare. Do të jeni sërish bashkë me Berishën nëse kjo ndodh, ose nëe zgjedhjet e rregullta.
“Ne, në çdo kohë që do bëhen zgjedhjet, padyshim që do të jemi atje dhe do të bëjmë gjithçka, jo vetëm për të fuqizuar opozitarizmin, por mbi të gjitha, për të bërë të mundur një ndryshim, që kërkon një ndërgjegjësim të të gjitha forcave opozitare, por edhe të gjithë shoqërisë, përndryshe do të përjetojmë situata edhe më të rënda./abcnews.al