Lulzim Basha shpallet kryetar i Partisë Demokratike.
Dy orë pas përfundimit të procesit të votimit për kryetarin e ri të PD-së, ka përfunduar edhe procesi i numërimit të kutive në të 71 degët në mbarë vendi.
Basha fitoi me 16196 vota, kurse kundërshtari i tij, Gjergj Hani arriti të siguronte vetëm 1657 vota.
“Në mbledhjen e komisionit pasi administruam të dhënat e procesverbaleve, komisioni hartoi procesverbalin e rezultatit përfundimtar, bazuar në të dhënat e votimeve në 71 degët e PD-së. Numri i anëtarëve në listë është 25 mijë. Në 71 degë kanë marrë pjesë në votim 18 mijë 52 anëtarë. Një pjesëmarrje 71%. Basha shpallet kryetar i PD-së”, tha kryetari i Komisionit Zgjedhore në PD, Jemin Gjana.