Një 32-vjeçar në Kukës është arrestuar, pasi dyshohet se me automjetin e tij përplasi një motor, ku për pasojë ka ndërruar jetë shoferi.
Përmes një njoftimi, uniformat blu njoftojnë se pas aksidentit, 32-vjeçari braktisi mjetin e tij dhe u arratis.
“Policia bën me dije se në vijim të informacionit paraprak të dhënë për një aksident të ndodhur më datë 30.07.2023, në aksin rrugor “Kukës–Uzinë”, specialistët e Qarkullimit Rrugor të DVP Kukës ndaluan dhe vunë në pranga shtetasin P. H., 32 vjeç, banues në fshatin Topojan, i cili braktisi automjetin, pasi përplasi motomjetin me drejtues shtetasin J. Sh. që për shkak të dëmtimeve të marra nga ky aksident, humbi jetën.”