Ish-presidenti amerikan Donald Trump u deklarua i pafajshëm para gjykatës teksa u akuzua se është përpjekur të përmbys rezultatin e zgjedhjeve presidenciale të vitit 2020.
“Ky është një persekutim i një kundërshtari politik. Kjo nuk duhej të ndodhte kurrë në Amerikë,”u shpreh Trump përpara se të hipte në avionin e tij për t’u kthyer në Nju Xhersi pas seancës gjyqësore.
Trump kandidati kryesor për zgjedhjet presidenciale republikane për vitin 2024, po përballet me disa akuza, duke përfshirë komplotin për të mashtruar Shtetet e Bashkuara dhe për të penguar certifikimin në Kongres të fitores së demokratit Joe Biden.
Kjo është çështja e tretë penale e ngritur kundër ish presidentit Trump në më pak se gjashtë muaj.