Papa Françesku thotë se Kisha Katolike është e hapur për të gjithë, përfshirë komunitetin LGBT, dhe se ka për detyrë t’i shoqërojë ata në një rrugë personale të spiritualitetit, por brenda kornizës dhe rregullave të saj.
Një gazetar i tha Papës gjatë udhëtimit, se ai kishte thënë më parë se Kisha ishte e hapur për “të gjithë, të gjithë, të gjithë” dhe e pyeti nëse nuk ishte jokoherente që disa, si gratë dhe homoseksualët, nuk kishin të njëjtat të drejta. Kjo ishte një referencë e dukshme për gratë që nuk lejohen të bëhen priftërinj, ndërsa çiftet e të të njëjtit gjini nuk lejohen të lidhin martesë.
“Kisha është e hapur për të gjithë, por ka ligje që rregullojnë jetën brenda kishës,” tha ai. “Sipas legjislacionit, ata nuk mund të marrin pjesë në (disa) sakramente. Kjo nuk do të thotë se ajo është e mbyllur. Secili person takohet me Zotin në mënyrën e vet brenda Kishës,” tha ai.