Pika e kalimit kufitare me Maqedoninë e Veriut në Qafë Thanë funksionon vetëm me një ndalesë, duke synuar shkurtimin e procedurave në kufi dhe kalimin sa më të shpejtë të udhëtarëve nga të dyja vendet.
Por me sa duket një javë pas këtij ndryshimi duket se efekti ka qenë i kundërt. Mëngjesi dhe paraditja e kësaj të hënë ka sjellë radhë të mjeteve që prisnin të futeshin në vendin tonë. Personat që prisnin në radhë tregojnë se asnjëherë më parë nuk ka qenë të detyruar të presin kaq gjatë për t’u futur në Shqipëri.
Sipas policisë kufitare shqiptare kjo radhë është krijuar sepse ka patur një fluks të shtuar të mjeteve drejt Shqipërisë dhe se autoritetet maqedonase në pikën e përbashkët të kontrollit nuk kanë pranuar të operojnë me procedurë të përshpejtuar.
Që nga data 1 gusht vetëm nga pika e kalimit kufitar të Qaf Thanës, kanë hyrë në vendin tonë më shumë se 70 mijë persona.