Është në pranga autori i dyshuar i vrasjes së ndodhur në Vlorë gjatë ditës së sotme. Mësohet se se ai tashmë ndodhet në komisariatin e policisë së qytetit.
Vrasja e Armando Meshaut ndodhi pas një sherri në një kancelari në qytet, ku viktima dhe autori debatuan për pronësinë e një apartamenti.
“Rreth orës 11:45, në lagjen “Hajro Çakërri”, në një qendër interneti, 2 shtetas janë konfliktuar me njëri-tjetrin dhe gjatë konfliktit shtetasi A. M., rreth 55 vjeç, për shkak të dhunës fizike (goditjeve me grushte), ka humbur jetën.
Shërbimet e Policisë kanë shkuar menjëherë në vendngjarje. Nga veprimet e shpejta është bërë identifikimi i autorit dhe vijon puna për kapjen e tij. Grupi hetimor ndodhet në vendngjarje dhe vijon punën për sqarimin e plotë të rrethanave të këtij rasti”, deklaroi policia.