Beyonce bëri një gjest humanizmi ndaj fansave të saj, në mënyrë që të sigurohej që të gjithë të kthehen të sigurt në shtëpi.
Duke pasur parasysh kushtet e motit dhe stuhinë intensive në Maryland, fansat e saj që erdhën në FedEx Field për ta dëgjuar atë, u përballën me vështirësi të mëdha si në transportin e tyre ashtu edhe gjatë qëndrimit në stadium.
Përkundër kësaj, publiku qëndroi aty me durim për të dëgjuar këngëtaren e tyre të preferuar, ku me një gjest ajo shprehu mirënjohjen e saj.
Sipas një raporti të E!News, ylli dha 100,000 dollarë për të mbajtur trenin hapur një orë më shumë se zakonisht dhe për t’u shërbyer fansave të saj.
“Metro & Renaissance do të zgjasë trenin e fundit një orë shtesë për të përballuar stuhinë. Treni i fundit i linjës së argjendtë për në Ashburn sonte do të niset nga Bulevardi Morgan në orën 1:04 të mëngjesit”, thuhet në njoftimin zyrtar në Twitter.
Ai vijon duke thënë: “Për shkak të rrufesë në zonë, aktualisht jemi nën një strehë. Shikuesit jashtë portave dhe në parkingje u kërkohet të kthehen në makinat e tyre. Të gjithë spektatorët brenda stadiumit janë të lutur të strehohen në zona të mbuluara dhe rampa deri në një njoftim të dytë.”
Publiku, natyrisht, e lavdëroi artisten pasi dëgjuan kontributin e saj për t’u siguruar që ata të ktheheshin në shtëpi të sigurt.