Që nga humbjet e mëdha në njerëz dhe armatim gjatë luftës në Ukrainë, ka bërë që Putin të hedhë në fushëbetejë të gjithë potencialin e mundshëm që disponon, duke përfshirë dhe këtu armë tepër të vjetra, që nga koha e Luftës së Dytë Botërore.
Presidenti rus Vladimir Putin është detyruar të nxjerrë nga një bazë ushtarake në Siberi qindra tanke të vjetra, të ndryshkura të cilat tashmë po modifikohen, pastrohen dhe po zhvendosen drejt frontit ukrainas.
Sipas ekspertëve, përdorimi i këtyre armëve të vjetra të periudhës sovjetike është një shenjë e dëshpërimit të Putinit, por edhe e llogaritjes së gabuar se burimet ekzistuese do të plotësonin nevojat e tij të luftës.