Kremë hidratimi, krem kundër plakjes, serume, toner, vajra, krem kundër diellit. Një rutinë e përditshme e kujdesit mund të përfshijë produkte të panumërta, aq shumë në fakt, saqë mund të përfundoni duke u hutuar, pasi nuk jeni të sigurt se në cilën renditje duhet t’i aplikoni për të marrë rezultatin më të mirë të mundshëm në lëkurën tuaj.
Pra, nëse i keni gjetur tashmë produktet e duhura për llojin e lëkurës tuaj, atëherë duhet t’i aplikoni në mënyrë korrekte, pasi çdo gabim në rendin në të cilin i përdorni mund të ulë shumë efektivitetin e tyre.
Nëse nuk jeni të sigurt se cilin të aplikoni më parë në fytyrën tuaj, duhet të mendoni vetëm për këtë: gjithmonë filloni me produktet me teksturat më të lehta dhe gradualisht “ndërtoni” shtresat duke shkuar tek ato që janë “më të pasura”.
Çfarë do të thotë kjo në praktikë: pas pastrimit, përdorni fillimisht produkte të lëngshme, të tilla si ato me bazë uji (esencë, toner ose mjegull hidratues). Më pas kaloni te serumet, pastaj kremrat, më pas vajrat. Nëse po flasim për një rutinë të kujdesit të lëkurës në mëngjes, hapi i fundit është gjithmonë të aplikoni kremin tuaj kundër diellit.