“Eris” po përhapet globalisht, ku përfshihen Britania e Madhe, Kina dhe SHBA-ja. Megjithatë, OBSH sugjeroi se varianti nuk përbën një kërcënim të veçantë.
“Bazuar në provat e disponueshme, rreziku i shëndetit publik i paraqitur nga variant i ri vlerësohet i ulët në nivel global”, njoftuan ata, duke shtuar se rreziku duket të jetë në të njëjtin nivel me variantet e tjera qarkulluese.
Profesoresha e kërkimit për këtë çështje, Christina Pagel, deklaroi se nuk ka prova që ky variant mund të shkaktojë pasoja të rënda në shëndet.
Ajo vuri në dukje se rënia e imunitetit qoftë nga vaksinimet apo nga infeksionet e mëparshme mund të nënkuptojë se vala e “Eris” mori më shumë kohë për të arritur kulmin dhe për këtë arsye mund të jetë më e madhe.
OBSH renditi një sërë veprimesh që u rekomandoi shteteve anëtare t’i jepnin përparësi për të kuptuar më mirë largimin e antitrupave dhe ashpërsinë e variantit më të ri, përfshirë monitorimin e vazhdueshëm.
Javën e kaluar, Agjencia e Sigurisë Shëndetësore e Mbretërisë së Bashkuar (UKHSA) publikoi një përditësim ku thuhej se “Eris” përbën rreth 15% të rasteve të infektimeve me Covid-19 në Angli.