Puna e asfaltimit të rrugës në fshatin “Batër e Vogël” në Bashkinë Mat ka përfunduar me sukses, duke sjellë një ndryshim të madh në infrastrukturën e kësaj zone.
Për vite me radhë, rruga në fshatin “Batër e Vogël” ishte një problem kryesor për banorët e kësaj zone. Ndërhyrja në këtë aspekt të infrastrukturës ishte një premtim i kryetarit Agron Malaj, i cili tani ka bërë të mundur realizimin e kësaj sfide.
Në të ardhmen, projekti do të vazhdojë me një fazë të re, e cila përfshin lidhjen e rrugës së asfaltuar me fshatin Pjezë, me të njëjtat standarde cilësore. Kjo do të sjellë përfitime të reja për banorët e zonës dhe do të rrisë shkëmbimet sociale dhe ekonomike.
“Përfundon puna për asfaltimin e rrugës në fshatin “Batër e Vogël”.
Rruga ishte shqetësim madhor për banorët e zonës e cila ishte kërkuar prej vitesh.
Investimi do të vijojë për të kryer lidhjen me fshatin Pjezë me të njëjtët parametra”, shkruan Kryebashkiaku Agron Malaj.
Puna për asfaltimin e rrugës në fshatin “Batër e Vogël” është një shembull i konkretizimit të angazhimit të Bashkisë Mat për të përmirësuar infrastrukturën dhe kushtet e jetesës për qytetarët e saj.