Në ditën ndërkombëtare të Rinisë, ministri i Brendshëm, Taulant Balla iu ka bërë thirrje të rinjve që të bëhen pjesë e Policisë së Shtetit.
Në postimin e publikuar në “Facebook”, Balla thekson se sfida për staf të ri në policinë e Shtetit është e hapur dhe të gjithë të rinjtë tashme kanë mundësinë që të zhvillohen profesionalisht, si dhe të bëjnë diferencën pozitive në komunitetin e tyre.
Postimi:
🇦🇱🇪🇺 Sfida për ta rinuar policinë e shtetit është e hapur. Prandaj sot në Ditën Ndërkombëtare të Rinisë dëshiroj të ripërsëris ftesën time për të rinjtë dhe të rejat që kanë dëshirë të bëhen pjesë e Policisë së Shtetit👩✈️👨✈️👏
Duke u bërë oficer policie ju keni mundësinë të zhvilloheni profesionalisht dhe personalisht si dhe të bëni diferencë pozitive në komunitetin tuaj. Ju do të mbroni rendin publik, parandaloni dhe hetoni krimin. Është një detyrë e rëndësishme publike, shumë sfiduese, e cila ju jep mundësinë të shikoni impaktin direkt të punës tuaj.