Një aksident ka ndodhur mbrëmjen e sotme në aksin Kuçovë-Kozare, ku për pasojë makina është përmbysur në mes të rrugës.
Siç shihet edhe në foto, makina ka dalë nga rruga dhe është përmbysur. Burime nga vendngjarja bëjnë me dije se mjeti ka qënë duke qarkulluar me shpejtësi dhe drejtuesi i saj ka humbur kontrrollin gjatë një kthese të fortë në këtë aks rrugor, duke u përplasur me trafikndarësen.
Mësohet se drejtuesi i mjetit 33-vjeçari me iniciale A.H., udhëtonte vetëm dhe si pasojë e plagëve është transportuar për mjekim drejt Spitalit të Kuçovës, ndërkohë që makina ka pësuar dëme të mëdha materiale.
Dyshohet se burim aksidenti ka qenë shpejtësia por edhe mungesa e ndriçimit dhe sinjalistikës rrugore.