Një 23-vjeçar është arrestuar nga Policia e Sarandës, pasi teksa ka qenë duke udhëtuar me makinë, Policia e Sarandës thotë se ka kryer qitje në mënyrë të pavullnetshme. 23-vjeçari Klaudio Qëndro pasi ka shtënë me armë, ka braktisur mjetin në mes të rrugës dhe është larguar me vrap.
Njoftimi i plotë
Rreth orës 12:00, në lagjen nr. 1, Sarandë, shtetasi K. Q., i cili udhëtonte me automjetin tip “BMË”, dyshohet se duke luajtur me një armë zjarri, ka kryer qitje të pavullnetshme, pa shkaktuar dëmtime të personit. Shtetasi K. Q. ka braktisur automjetin dhe është larguar me vrap, në brendësi të lagjes.
Shërbimet e Policisë janë vënë në ndjekje të shtetasit K. Q. dhe pas disa minutash ndjekjeje, bënë të mundur kapjen e tij. Vijon kontrolli i zonës për gjetjen e armës së zjarrit, pasi kur është larguar me vrap, ka hedhur armën e zjarrit.
Në vendngjarje ndodhet grupi hetimor dhe në drejtimin e Prokurorisë, vijon punën për sqarimin dhe dokumentimin e rrethanave të ngjarjes.