Evakuohen dy fshatra këtë të hënë në Greqi për shkak të zjarreve masive që po djegin rajonin qëndror dhe verior të vendit.
Më herët gjatë ditës në një nga zonat që janë nën kërcënimin e flakëve u shënua edhe viktima e parë për shkak të zjarrit. Sipas mediave fqinje, një burrë ndërroi jetë teksa tentonte të shpëtonte bagëtitë e tij.
Në verilindje të vendit, pranë kufirit me Turqinë u aktivzuan sërish disa vatra duke shkrumbuar hektarë me toka bujqësore dhe pyje.
Qindra punonjës zjarrfikës po punojnë nga toka dhe nga ajri për shuarjen e flakëve, por erërat dhe tempreaturat e larta po e bëjnë edhe më të vështirë punën.