Duncan Lawrence, fituesi i Eurovizionit në vitin 2019 me këngën “Arcade”, është martuar me kompozitorin e muzikës amerikane, Jordan Garfield. “Mr & Mr de Moor” shkruan këngëtari në postimin e tij në Instagram.
Çifti janë bashkë që nga fillimi i vitit 2020 dhe në prill të të njëjtit vit Jordan Garfield i propozoi Duncan Laurence. “Po martohem me njeriun më të sjellshëm, inteligjent, të vërtetë, të talentuar dhe të pashëm. Dhe ai është gjithashtu shoku im më i mirë”, shkroi Garfield në Instagram.
Në fillim të këtij viti, Laurence tashmë njoftoi se donte të martohej në Suedi dhe se donte ta mbante dasmën e tij larg syrit të publikut.