Mbrëmjen e kaluar, dy persona mbetën të plagosur me armë zjarri në një lokal në zonën e Ranës së Hedhun në Shëngjin. Të plagosurit janë Albert Gjinaj, 28-vjec, banues në Tiranë dhe Gentian Nikolli, 30 vjeç banues në Thumanë, fatmirësisht jashtë rrezikut për jetën. Policia ka bërë të mundur identifikimin e autorëve, konkretisht shtetasit B.C, F.C dhe K.C, dhe vijon kontrolli i zonës për kapjen e tyre.
Informacion paraprak
Rreth orës 22:00, në Shëngjin, në një lokal në vendin e quajtur “Rana e Hedhun” dyshohet se gjatë një konflikti të çastit, janë plagosur me armë zjarri lehtë në këmbë shtetasit A.Gj, 28 vjeç banues në Tiranë dhe G.N. 30 vjeç, banues në Thumanë, të cilët ndodhen në spital për ndihmë mjekësore, jashtë rrezikut për jetën.
Shërbimet e Policisë kanë shkuar menjëherë në vendngjarje dhe si rezultat i veprimeve të shpejta kanë bërë të mundur identifikimin e autorëve, konkretisht shtetasit B. C., F. C. dhe K. C., dhe vijon kontrolli i zonës për kapjen e tyre.