Të gjithë e mbani mend Enxhi Cukun, vajzën e famshme e cila ka luajtur në rol kryesor tek filmi “Femrat”, përkrah Ermal Mamaqit.
E ftuar tek emisioni “Pop Culture”, pyetjes nëse u ndje e “tradhtuar” nga Ermal Mamaqi për filmin “Dy gisht mjaltë”, ku luante përkrah Elvana Gjatës, Enxhi u përgjigj:
“Nuk e kam parë akoma filmin e ri të Ermal Mamaqit. Nuk e di çfarë të them për këtë”.
Teksa moderatori Kelvi Kadilli e pyeti se çfarë mendimi ka për aktoret e reja, u nis nga vetja duke thënë se: “Për shembull unë e kam shumë qejf Megi Pojanin, vdes për të”.
Enxhi pohoi se e njeh pak personalisht Megin dhe nuk ka një mendim konkret për të nga ana profesionale.
Megi Pojani aktualisht luan si aktore tek seriali i famshëm: “Hostel by Anabel 2” dhe deklarata e Kelvinit sigurisht që vjen në këtë kontekst.