Një atentat ka ndodhur mbrëmjen e djeshme me dy të plagosur në Athinë. Të plagosur janë një 20-vjeçare greke me plagë në kofshën e djathtë dhe një shtetas shqiptar 32-vjeçar me plagë në shpatull.
Sipas vajzës, të dy nuk njihen me njëri-tjetrin, kanë qenë duke kaluar pranë vendit të ngjarjes dhe në veçanti pranë një parku në kryqëzimin e rrugës Panormos dhe Larisis, kur janë goditur. 32-vjeçari shqiptar rezulton i arrestuar si anëtar i një organizate kriminale droge dhe ka qenë me masë sigurimi “detyrim paraqitje”.
Oficerët e Sigurimit përmes kamerave në zonë dhe dëshmitarëve që janë në kërkim po tentojnë të përcaktojnë rrugën e të armatosurit për të arritur në gjurmët e tij, ndërsa përmes profilit të shqiptarit po tentojnë të shohin nëse plumbat lidhen me të kaluarën e tij.