Policia Rrugore Elbasan ka bërë bilancin për muajin gusht, gjatë të cilit janë arrestuar 53 shoferë dhe janë ndëshkuar me gjobë 8087 të tjerë.
Njoftimi i plotë
Gjatë muajit gusht 2023, janë ndëshkuar administrativisht, në total, 8087 drejtues mjetesh, të ndarë konkretisht:
1325 drejtues mjetesh, për parakalime të gabuara; 854 drejtues automjetesh, për mosvendosjen e rripit të sigurimit; 342 drejtues motomjetesh janë ndëshkuar për mosvendosje të kaskës mbrojtëse; 3751 drejtues janë ndëshkuar për shpejtësi tej normave të lejuara. 288 drejtues automjetesh, për ndalim ose pushim të automjetit, në kundërshtim me sinjalistikën rrugore; 992 drejtues të tjerë për shkelje të ndryshme të Kodit Rrugor.
Policia Rrugore e Elbasanit vijon kontrollet në të gjitha akset rrugore urbane, interurbane dhe rurale, me qëllim rritjen e parametrave të sigurisë rrugore. Gjithashtu, apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, si dhe të kallëzojnë në numrin pa pagesë 112, çdo rast të shkeljes së tyre.