Drejt përfundimit puna për rikonstruksionin e pallatit të kulturës “Shefqet Doda” në qytetin e Burrelit. Projekti i hartuar nga Bashkia e Matit ka gjetur financim nga Bashkimi Evropian mes shumë projekteve që garuan në thirrjen e BE. Kryetari i Bashkisë Mat, Agron Malaj ka publikuar fotot nga kantieri që do të gjallërojë edhe më shumë jetën social-kulturore në qytet.
“Çdo ditë po punohet për transformimin e Pallatit të Kulturës “Shefqet Doda”Burrel, një projekt i financuar nga Bashkimi Evropian në kuadër të skemës së granteve BE për Bashkitë.
Së shpejti kjo godinë do të jetë tërësisht e rinovuar duke përmirësuar kushtet socio- ekonomike për një jetë më aktive sociale dhe kulturore për qytetarët”, shkruan kryebashkiaku Malaj.