“Love Island Albania” është programi më i ri i Luana Vjollcës, që nis të dielën në TV Klan. Një reality show i dedikuar dashurisë, por nuk do të mungojnë as argëtimi, emocionet dhe surprizat.
Së fundmi faqja zyrtare e “Love Island Albania” ka zbuluar konkurrenten e parë që do të nisë rrugëtimin e saj të dashurisë, në vilën luksoze në jug të Shqipërisë. Ajo quhet Ilda, një influencere e njohur në Tik Tok, ku numëron mbi 89 mijë ndjekës. Bukuroshes brune i pëlqen bota e televizionit dhe është “e etur” për sfidat që do ketë në nisje të spektaklit.
Janë zbuluar gjithashtu edhe disa kënde nga vila luksoze e “Love Island Albania” , e cila duket plot ngjyra dhe komode.
