Këtë vjeshtë, respektivisht në muajin tetor, do të nisë edicioni i dytë i ‘reality show’-t “Big Brother VIP Kosova”, pas një sezoni të suksesshëm në fillim të këtij viti.
Ka qenë pikërisht prezantuesi i këtij spektakli, Alaudin Hamiti, ai i cili ka dhënë disa përgjigje për fansat lidhur me formatin.
Ndër pyetjet më të shpeshta që i është bërë është nëse do ta ketë edhe këtë vit Jonidën në krah, gjë të cilën ai e konfirmoi. Një ndër ta nuk ka hezituar ta pyesë atë lidhur me çmimin e madh që do të ketë fitues.
Ai tregoi se sikurse vitin e kaluar, edhe sivjet fituesi i BBVK do të marrë me vete 200 mijë euro në shtëpi.