Kreu i vulës së PD-së, Lulzim Basha njofton mbledhjen e Këshillit Kombëtar të dalë nga kuvendi i 2 shtatorit 2023. Mbledhja do të mbahet më 9 shtator, pikërisht në të njëjtën sallë ku u zhvillua takimi i Gazment Bardhit me Sali Berishën në Hotel Tirana, dhe ku iu bashkuan 43 deputetë për të unifikuar siç u deklarua, qëndrimet e tyre në parlament kundër qeverisë së kryeministrit Edi Rama.
Në këtë mbledhje pritet të përcaktohet dhe kush do të jetë në postin e Sekretarit të Përgjithshëm të PD-së, post i cili mbahet nga Gazmend Bardhi por që pritet të shkarkohet pas veprimeve të fundit me të cilat i ka dalë kundër Bashës dhe u ul në një tavolinë me Berishën dhe deputetët mbështetës të tij.
Vetë Basha ka thënë se nuk do të jetë kryetar i grupit parlamentar, dhe se atë funksion do ta delegojë tek njëri prej 4 nënkryetarëve. Emrat të cilët përfliten të mbajnë këtë post janë Orjola Pampuri, Kreshnik Çollaku ose Flutura Açka.