Sot në “Ftesë në 5” me Bieta Sulon ishte i ftuar Simone Coccia, italiani që ka qenë 2 herë pjesëmarrës në “Grande Fratello” dhe është hera-herës në qendër të vëmendjes së mediave italaine.
Simone Coccia foli hapur edhe për lidhjen me politikanen, 63 vjeçare, 23 vite më të madhe se ai.
“U njohëm kur unë isha 30 vjeç dhe ajo 53. Për mua ka rëndësi zemra dhe Stefani ka një trup të vogël, por një zemër të madhe. Ka paragjykime që rrimë bashkë për lekët dhe famë, por unë kam lekë vetë”, u shpreh ai.
Të njëjtën gjë tha edhe vetë Stefania përmes një video-mesazhi surprizë për Simonen. Pas video-mesazhit ky i fundit i premtoi që herës tjetër do të vijnë për pushime në Shqipëri bashkë.
