Në Gjykatën e Posaçme ka nisur seanca paraprake lidhur me çështjen “Fredi Beleri”. Në sallën e gjyqit është edhe kreu i PBDNJ-së, Vangjel Dule. Sa i përket Belerit, ndryshe nga seanca e shkuar ai nuk është shoqëruar për në gjykatë. Kryebashkiaku i zgjedhur i Himarës, por jo i betuar, ka paraqitur një deklaratë, ku kërkon të përfaqësohet në gjyq nga avokati i tij.
Me hetimet që janë mbyllur, trupi gjykues pritet të vlerësojë sot fatin e dosjes së Fredi Belerit, i cili ka kërkuar më parë në të gjitha nivelet e gjyqësorit zbutjen e masës së sigurisë, për t’i hapur rrugë betimit si kryebashkiak.
GJKKO do të vendosë nëse dosja ku Beleri akuzohet për krime zgjedhore do të kalojë për gjykim, do ti kthehet SPAK apo çështja do të pushohet.